Nakastiguhan sang iya bana ang isa ka asawa nga wala naghatag sang inugbakal sang shabu.
Natabo ini sa sulod mismo sang ila balay sa Brgy. Poblacion Pardo, Cebu City.
Ang suspek amo si Arnold Navares, 48-anyos , isa ka kilala nga adik sa ila nga lugar.
Ang biktima amo si Mercedita, 50-anyos.
Suno sa biktima, nagpauli ang iya nga bana kag nangayo sang kwarta para magbakal sang shabu kag magpatigayon sang pot session kaupod ang mga abyan.
Wala sang may nahatag ang asawa gani nangakig ang bana kag ginkastigo ini tubtob nga nalipong.
Sang naumpawan,didto lang ini kag nakapangayo sang bulig.
Natigayon nga maaresto ang suspek kag nagapangatubang sang kaso nga paglapas sa Republic Act (RA) 9262 ukon ang Anti-Violence Against Women and their Children Act of 2024.
