Nabalaka ang pila ka mga estudyante sa nakit-an nga litik sa salog sang isa ka building sa Iloilo Doctors College sa Molo, Iloilo City.
Suno sa isa ka netizen, nakit-an ang litik sa 2nd floor sang New Administration Building.
Suno diri, nagakahangawa sila nga wala gid gin-suspend ang klase bisan pa nga ini ang nakit-an nga litik sa salog.
Nahibaluan nga sini lang nga aga sang gintay-og sang magnitude 4.4 ang Guimbal, Iloilo kag nabatyagan man sa Iloilo City, Antique, Guimaras, kag Negros Occidental.
