Nabatak sa Signal No. 2 ang pila ka mga lugar sa pungsod tuga sang Bagyo Ramil.
Suno sa 11pm bulletin sang state weather bureau, nabatak sa Signal No. 2 ang pila ka bahin sang Isabela, Quirino, Nueva Vizcaya, Benguet, La Union, Pangasinan, Aurora, Nueva Ecija, Quezon (kabilang ang Polillo Islands), Camarines Norte, Catanduanes, Camarines Sur, Albay, kag Sorsogon.
Samtang, Signal No. 1 naman ang Cagayan, Ilocos Region, Cordillera Administrative Region, nabilin nga bahin sang Central Luzon, CALABARZON, kag Bicol Region, amo man sa Northern Samar, Eastern Samar, kag Samar.
Napadayon ni Ramil ang kabaskugon samtang ini ang nagahulag pa nakatundan sa bahin sang mainland Bicol.
Suno sa ahensya, ginabulubanta yara sa palibot sang Calabanga, Camarines Sur ang sentro sang bagyo takna alas-10 sang gab-i.
Dala sini ang hangin nga may kadasigon nga 65 km/h, kag may pagbugso nga nagalab-ot sa 110 km/h, samtang nagahulag ini pa-nakatundan sa kadasigon nga 25 km/h.
Ginalauman nga magapadayon ang bagyo Ramil sa Polillo Islands, antes mag-landfall sa Aurora subong nga aga ukon karon sa udto, Oktubre 19.
