Ginkumpirmar sang Department of Foreign Affairs (DFA) nga indi nila pwede kanselahon ang pasaporte ni anay Ako Bicol Party-list Representative Zaldy Co kun wala sang mando halin sa korte.
Ang pahayag sang ahensya ang sabat sa alegasyon ni Navotas Representative Toby Tiangco nga ginaprotektahan kuno sang DFA si Co paagi sa pagdumili nga kanselahon ang iya pasaporte.
Suno sa DFA, ginapahanugutan lamang ang pagkanselar sang pasaporte base sa mga sigurado nga kabangdanan sa idalom sang New Passport Law, kaangay sang paggamit sini sa iligal nga aktibidad, pagka-tamper, ukon napamatbatan sang Korte ang isa ka indibidwal.
Ginpunto man sang DFA nga ang proseso sang pagkanselar sang pasaporte ginabase sa layi kag indi dapat maimpluwensyahan sang pulitika ukon sang isa ka opisyal nga may gahom.
Apang suno kay Rep. Tiangco, may gahom ang tiglikom sang DFA, base sa Administrative Code nga magkansela sang pasaporte sa mga kaso nga may kahilabtanan sa national security, public safety, ukon public health apisar nga wala pa sang court order.
