Ginbuyagyag sang Commission Elections (Comelec) ang 21 ka mga kontratista ginapakayag nga naghatag sang donasyon sa mga kandidato para sa ila kamapnya sang nagligad nga 2025 midterm elections.
Suno kay Comelec Chairman George Erwin Garcia, base ang impormasyon sa 42,000 ka statements of Contributions and Expenditures (SOCEs).
Ginklaro ni Garcia nga indi buot silingon nga 21 man ka mga kandidato ang may kahilabtanan.
Pahayag niya, yara sa walo ang na-record nga wala naulamid sa paghatag sang donasyon.
Dugang pa sang opisyal, indi maglab-ot sa duha ka semana ang ila imbestigasyon kag matapos na gilayon ini samtang sila ang nagahulat sang kumpirmasyon halin sa Department of Public Works and Highways (DPWH).
Samtang, ginpasiguro naman ni Garcia nga kun natapos na ang imbestigasyon, gilayon sila nga makigsapol kag magpadala sang letter sa DPWH para kumpirmahon kun ang mga pangalan nga nagtuhaw sa ila imbestgasyon ang matuod nga kontratista sang gobyerno.
