Nagabalay ang Sandiganbayan sang bag-o nga mga pagsulundan agud nga mapadasig ang pagpasaka sang kaso-kriminal.
Ini ang kabahin sang preparasyon sa pag-file sang Ombudsman sang impormasyon batok sa mga opisyal kag personalidad nga involved sa mga anomaliya sa flood control projects.
“In anticipation of the cases to be filed by the Ombudsman, the Sandiganbayan is currently in the process of drafting new rules on expedited procedure, which will be pilot tested upon the approval of the Supreme Court,” suno kay Sandiganbayan Presiding Justice Geraldine Econg.
Matandaan nga una na nagpahayag si Ombudsman Jesus Crispin Remulla nga sa masunod nga bulan maga-file ang iya opisina sang una nga information kaangot sa mga iregularidad sa flood control projects.
May nabaton naman ang Ombudsman nga reklamo halin sa Department of Public Works and Highways sang Septyembre 11 batok sa pila ka personalidad.
Lakip diri sanday anay DPWH Bulacan 1st District Rep. Enginner Henry Alcantara, anay Assistant District Engineer Engr. Brice Ericson Hernandez, Construction Section Chief John Michael Ramos, Planning and Design Section Chief Ernesto Galang kag 15 ka iban pa.
Lakip man sa amo nga reklamo sang DPWH ang mga kontraktor nga sanday Cezarah Sarah Discaya sang St. Timothy Construction Corporation, Ma. Angeline Rimando sang St. Timothy Construction Corp., Sally Santos sang SYMS Construction Trading, Mark Allan Arevalo, Wawao Builders, kag Robert Imperio sang IM Construction Corp.#
