Wala nagbag-o ang kabaskugon sang bagyo Salome samtang ginabaybay ang extreme northern Luzon.
Base sa data sang Philippine Atmospheric, Geophysical and Astronomical Services Administration (PAGASA) Nakita ang sentro sang bagyo sa may 90km sang East Northeast sang Itbayat, Batanes.
May dala sang kabaskugon nga hangin nga 55km/h kag pagmadlas sang tubtob 70km/h.
Nakabatak sa gihapon sa typhoon signal number 1 ang mga lugar sang Batanes; Calayan Island., Dalupiri Island sa Babuyan Island; Bangui, Pagudpud, Burgos, Pasuquin, Bacarra, Laoag City sa Ilocos Norte.
Sa sulod sang 12 ka oras, possible mag-landfall ang bagyo sa Batanes kag magaagi man sa Babuyan Island subong nga adlaw, Oktubre 23.
Ginapaandam sa gihapon sang PAGASA nga makaeksperyensya sang pag-ulan sa mga lugar nga pagaagyan sang bagyo.
