Padayon gihapon nga ginakonsiderar sang Office of the Ombudsman ang pagpatuman sang “restitution” ukon pagpabalik sang kwarta sa gobyerno para sa mga kaso nga may kahilabtanan sa anomalya sa flood control projects.
Suno kay Ombudsman Jesus Crispin “Boying” Remulla, ila ginatuyo nga makiugyon sa hudikatura agud masiguro nga mapatuman ang pagbawi sang mga pondo nga nakuha pinaagi sa korapsyon.
Ginpahayag man ni Remulla nga mas madasig kuno ang pagpapatuman sang restitution kun magpasulod sa “plea bargaining” ang mga indibidwal nga nalakip sa mga amo nga kaso.
Samtang, ginpahayag man sang Ombudsman nga wala siya nagapamalabag sa mga pulitiko nga boluntaryo nga ginapagwa sa publiko ang ila Statement of Assets, Liabilities and Net Worth (SALN).
Ini kasunod sang pamangkot sang Bombo Radyo Philippines sa iya reaksyon bahin sa isyu.
