May yara sang 75,000 family food packs nga handa na nga ipanagtag sang DSWD-Negros Island Region Field Office para sa relief operations bangud paglupok sang Bulkan Kanlaon.
Lakip sa mga possible nga maapektuhan ang mga LGU kaangay sang La Castellana, Canlaon City, Murcia, La Carlota City, kag Bago City.
Padayon nga ginabantayan sang DSWD Field Office ang sitwasyon kag nakig-angot ang ila Quick Response Teams sa mga LGU para sa technical assistance kag possible dugang nga bulig.
Magluwas sa mga food packs, nakahanda man ang pila pa ka mga logistics sang NIR Field Office kaangay sang mobile kitchen, mobile command center, kag water filtration truck nga possible gamiton sa bisan ano man nga oras kun maglala ang sitwasyon.
