Gin-anunsyo sang Malacañang nga magapaguwa si President Ferdinand Marcos Jr. sang iya Statement of Assets, Liabilities, and Net Worth (SALN).
Ini base sa mga guidelines ukon pagsulondan nga ginpaguwa sang Office of the Ombudsman.
Suno kay Palace Press Officer Claire Castro, ginapreparar na ni Marcos ang pagpresentar sang iya SALN sa mga otoridad, apang kinahanglan nga sundon ang proseso nga ginpaguwa sang Ombudsman.
Ginpahayag man ni Castro nga nagsapol na ang mga Cabinet officials kag naghisugot nga magsunod sa proseso sang Ombudsman sa pag-release sang ila tagsa-tagsa ka SALN.
Matandaan nga una na ginpahayag ni Executive Secretary Lucas Bersamin nga dapat lamang isapubliko ang SALN sang mga opisyal sang gobyerno kun may yara sang lehitimo nga rason.
