Nakumpirmar nga si Atty. Angelito “Lito” Magno ang bag-o nga gin-appoint bilang officer-in-charge (OIC) sang National Bureau of Investigation (NBI), suno sa Malacañang.
Ang anunsyo ang ginpagguwa matapos batunon ni Presidente Ferdinand Marcos Jr. ang irrevocable resignation ni anay NBI Director Jaime Santiago.
Ginkumpirma ini ni Palace Press Officer Undersecretary Atty. Claire Castro sa isa ka press briefing kadungan sang 47th ASEAN Summit and Related Summits sa Malaysia.
Si Magno ang isa ka beterano nga abogado nga nag-umpisa bilang line agent sa NBI tubtob nga nangin Deputy Director for Investigative Services.
Kilala man siya sa iya abilidad sa imbestigasyon, information ang communications technology (ICT), kag pagpanguna sa patag sang law enforcement.
Matandaan nga sang Agusto, nagsumiter sang resignation si Santiago, matapos ang ginapahayag nga may mga “detractors” kag “may malain nga interes” sa iya posisyon nga padayon nga ginagub-an ang iya reputasyon.
