Nagtambong ang duha ka mga konsehal sang siyudad sang Iloilo-Councilor Rex Marcus Sarabia kag Councilor Nene Dela Llana sa people’s meeting ukon pagsinapol nga ginpangunahan ni Iloilo City Lone District Representative Julienne Jam-Jam Baronda.
Nahibaluan nga sa nauna na nga mga people’s meeting nga ginpatigayon, naga-monitor na sa livestream ni Baronda si Councilor Sarabia suno sa iya.
Madumdoman nga sa iya privilege speech sa regular session kaina,nagsiling ini nga General statement lamang ang ginasabat sang Department of Public Works and Highways (DPWH) kag ni Baronda sa problema sa pagbaha.
Sa ila pagtambong subong dala na nila ang ila man nga mga pamangkutanon sa DPWH-ICDEO kag sa kongresista.
