Nag-report ang state weather bureau nga mataas ang risgo nga may matabo nga storm surge sa masunod nga 48 oras sa madamo nga areas sa Pilipinas bangud sa Bagyo Tino.
Lakip sa ginpasaka sa yellow warning ang Iloilo, Capiz, kag Guimaras. Ini nagakahulugan nga posible magadangat sa isa tubtub duha ka metros ang storm surge.
May yellow warning man sa Agusan del Norte, Biliran, Bohol, Camiguin, Cebu, Leyte, Masbate, Misamis Oriental, Negros Occidental, Negros Oriental, Northern Samar, Samar (Western Samar), Siquijor, Sorsogon, Southern Leyte, Surigao del Norte, kag Surigao del Sur.
Sa pihak nga bahin, ginpasaka ang red warning sa Eastern Samar nga nagakahulugan sang posible storm surges nga nagalapaw sa tres metros.
May orange warning naman sa Dinagat Islands, Eastern Samar, Leyte, Northern Samar, Samar (Western Samar), kag Surigao del Norte kun sa diin magalab-ot ang storm surge sa 2.1 tubtub sa tres metros.
Gina-abisuhan sang PAGASA ang publiko nga maglikaw anay sa coastal kag beach areas, suspendihon ang maritime activities, kag magsaka sa mataas nga mga lugar nga malayo sa coastlines kag storm surge-prone areas.
Kaina sang aga sang nagsulod si Tino sa Philippine Area of Responsibility. Alas dos subong nga hapon, nahimo na ini nga Severe Tropical Storm.
