Nagpangayo sang pasaylo sa publiko ang grupo sang mga pamatan-on sa Jordan, Guimaras kasunod sang gin-post nila nga vlog nga nagbaton sang kritisismo.
Sa amo nga vlog, nakit-an ang pagpangkuha sang mga ini sang mga pagkaon kag ilimnon sa mga lulubngan sa public cemetery sang banwa nga nahamtang sa Brgy. Balcon Maravilla.
Una na nga ginpatawag ang apat ka mga pamatan-on sa opisina ni Jordan Mayor Atty. John Edward Gando kun sa diin nangayo man sang pasaylo ang mga ini sa alkalde.
Gin-athag man sang mga ini nga ginbakal lang nila sa tiangge ang mga pagkaon nga ara sa video.
Bilang pagpakita sang sinseridad sang ila paghinulsol, nagtanyag ang mga ini nga tinluan ang nasambit nga patyo kag ila ini gintuman.
Yari ang pagpangayo sang pasaylo sang grupo paagi sa post sa facebook:
“𝗜’𝗺 𝘁𝗿𝘂𝗹𝘆 𝘀𝗼𝗿𝗿𝘆 𝗳𝗼𝗿 𝗺𝘆 𝗰𝗼𝗻𝘁𝗲𝗻𝘁 𝗮𝘁 𝘁𝗵𝗲 𝗴𝗿𝗮𝘃𝗲.𝗜 𝗿𝗲𝗮𝗹𝗶𝘇𝗲 𝗻𝗼𝘄 𝗵𝗼𝘄 𝗱𝗶𝘀𝗿𝗲𝘀𝗽𝗲𝗰𝘁𝗳𝘂𝗹 𝗶𝘁 𝘄𝗮𝘀, 𝗮𝗻𝗱 𝗜 𝗳𝗲𝗲𝗹 𝗱𝗲𝗲𝗽 𝗿𝗲𝗺𝗼𝗿𝘀𝗲 𝗳𝗼𝗿 𝗮𝗻𝘆 𝗽𝗮𝗶𝗻 𝗼𝗿 𝗼𝗳𝗳𝗲𝗻𝘀𝗲 𝗜 𝗰𝗮𝘂𝘀𝗲𝗱 𝘆𝗼𝘂 𝗮𝗻𝗱 𝗼𝘁𝗵𝗲𝗿𝘀. 𝗜 𝗽𝗿𝗼𝗺𝗶𝘀𝗲 𝘁𝗼 𝗮𝗰𝘁 𝘄𝗶𝘁𝗵 𝗴𝗿𝗲𝗮𝘁𝗲𝗿 𝗿𝗲𝘀𝗽𝗲𝗰𝘁 𝗮𝗻𝗱 𝗮𝘄𝗮𝗿𝗲𝗻𝗲𝘀𝘀 𝗶𝗻 𝗳𝘂𝘁𝘂𝗿𝗲.𝗚𝗼𝗱 𝗕𝗹𝗲𝘀𝘀.”
