“Unbothered” ang Malacañang sa resulta sang isa ka survey nga nagapakita nga nagnubo ang trust kag performance ratings ni President Ferdinand ‘Bongbong’ Marcos, Jr.
Suno kay Palace Press Officer Undersecretary Atty. Claire Castro, nagapati ini nga kalabanan ukon mayorya sang mga Pilipino ang may salig gihapon sa presidente.
Mataas ukon manubo man ang numero suno kay Castro, magapadayon si Marcos kag ang gobyerno sa pag-trabaho para sa mga pulumuyo.
“Sabi nga po natin, ano man ang numero, mataas, mababa at hangga’t nagtatrabaho ang ating Pangulo at ang gobyerno o para sa taumbayan tuluy-tuloy pa rin po, at hindi po tayo maaapektuhan ng anuman pong numero,” suno sa iya.
Kaangot ini sa latest Tugon ng Masa survey sang OCTA Research kun sa diin nag-us-os sang 7% ang trust ratings ni Marcos halin sa 64% sang Hulyo 2025. Nagnubo naman sang 8% ang performance ratings sini halin sa 62% sang Hulyo 2025.
Pareho man ang natabo kay Vice President Sara Duterte nga may gamay apang padayon nga pagnubo sa trust and performance ratings.
![Pinterest](https://pinterest.com/pin/create/button/?url=https://iloilo.bomboradyo.com/malacanang-unbothered-sa-pagnubo-sang-trust-kag-performance-ratings-ni-marcos/&media=https://img.bomboradyo.com/iloilo/2025/11/marcos.webp&description="Unbothered" ang Malacañang sa resulta sang isa ka survey nga nagapakita nga nagnubo ang trust ratings ni President Marcos.){kind=link}