Isa ka 44-anyos nga lalaki nga nurse sa isa ka ospital sa Wuerselen, Germany, ang ginpamatbatan sang life imprisonment nga wala sang parole matapos mapamatud-an nga nagpatay sang indi magnubo sa 10 ka pasyente kag pagtuyo nga patyon man ang 27 ka iban pa sa tunga-tunga sang Disyembre 2023 kag Mayo 2024.
Suno sa mga imbestigador, sekreto nga ginatublukan sang nasambit nga nurse ang mga tigulang nga pasyente sang pampatulog kag painkillers kaangay sang morphine kag midazolam, isa ka muscle relaxant nga ginagamit man sa mga execution sa Estados Unidos.
Katuyuan niya nga mapadasig ang iya nga night shift paagi sa pagpatulog sa mga pasyente.
Sa trial, ginpanindugan sang wala ginpangalanan nga akusado nga luyag lamang niya nga “patulugon ang mga pasyente kag wala siya sang ihibalo nga makamamatay ang iya ginahimo sa ila.
Apang suno sa korte, madugay na nga ginapakita sang nurse nga wala ini sang pag-ulikid sa iya pasyente kag sa iya trabaho.
