Isa ka 70-anyos nga babae sa Hérault region sang France ang ginmultahan sang €1,250 (katumbas sang ₱83,000) matapos ginreklamo sang iya nga tupadbalay ang masami nga pagkadto sang iya nga kuring sa piyak nga ugsaran.
Suno sa report, nagreklamo ang tupadbalay bangud sa mga marka sang tiil sa dingding, ihi sa habol, kag higko sa hardin nga ginbilin ang kuring ni Dominique nga si Rémi.
Sang Enero, nagdesisyon ang korte pabor sa nagreklamo kag ginpabayad si Dominique sang amo nga kantidad.
Wala pa diri natapos ang kaso bangud liwat na naman nga ginpatawag sa korte si Dominique subong nga Disyembre, matapos liwat nga naglumpat sa piyak nga kudal si Rémi.
Mahimo nga maglab-ot sa €2,000 (₱133,000) ang panibag-o nga multa kay Dominique.
 bangud sa iya masabad nga kuring.){kind=link}