Patay ang isa ka police captain sang Caloocan City matapos nangholdap sang isa ka convenience store sa Marilao, Bulacan kag nagbato sa kaangay nga pulis sa hot pursuit operation nga nagresulta sa shootout.
Ang napatay nga suspek amo si PCapt. Ronnie Sarto, 43-anyos, hepe sang Investigative and Detective Management sang Caloocan City Police Station.
Base sa imbestigasyon, nagsulod ang suspek sa convenience store kag nagpagwa sang iya pusil kag nagdeklarar sang holdap.
Gintaban niya ang P20,000 kag nagpalagyo sakay sa motorsiklo.
Madasig nga nagresponde ang mga pulis kag nasiplatan ang suspek kag ginbanggaan ini.
Sa baylo nga magpundo, nagpalupok ini gani ginbalusan sang mga operatiba kag naigo sang bala nga gintunaan sang iya kamatayon.
Ginaimbestigaran pa kun myembro ini sang isa ka sindikato sa Central Luzon.
