Madamo nga personalidad nga naangot sa flood control scandal, ipapreso antes ang Paskuwa —Marcos

Wala sang “merry” sa Christmas sang madamo nga mga indibiwal nga may kahilabtanan sa kurapsyon sa flood control projects.

Suno kay President Ferdinand Marcos Jr., antes pa man ang Paskuwa, may yara na sang makasuhan, gani nga may mapreso gid kag didto sila maligaran sang Christmas sa likod sang rehas.

“Bago magpasko, marami dito sa napangalanan dito ay palagay ko ay matatapos na ‘yung kaso, buo na ‘yung kaso nila. Makukulong na sila. Wala silang Merry Christmas. Before Christmas, makukulong na sila,” suno kay Marcos.

Base sa Malacañang, 37 ka mga indibidwal lakip ang mga mamalidha, kontraktor, kag iban pa nga opisyal sang gobyerno ang pasakaan sang kaso-kriminal kag kaso-administratibo.

Nagpromisa ang Palasyo nga pangalanan kun sanday sin-o ang 37 nga ini, apang base sa inisyal nga lista, wala ang pangalan sang pakaisa ni Marcos nga si former House Speaker Ferdinand Martin Romualdez.

Sang ginpamangkot ang presidente, sabat sini: “Not as of yet. If something else comes out, then he (Romualdez) might be answerable to something.”

“Provide us the evidence and we will file cases against them… Bigyan ninyo kami ng lahat ng ebidensya na mayroon kayo para magamit namin,” suno sa iya.

Ginsulit sini nga wala sang exempted sa imbestigasyon: “Walang immune sa investigation na ito, walang exempted.”

Wala sang timeline ang gobyerno kun san-o sini matapos ang imbestigasyon kag ang pag-file sang kaso sa mga indibidwal sa involved sa flood control project scandal.

Nauna na nga ginpahayag ni Marcos nga dapat solid ang mga ebidensya kag dapat ma-id-id ang imbestigasyon agud masiguro nga madulot gid ang kaso kag wala na sang basulay nga matabo pananglitan mabasura ini sa korte.

“Ang ayaw namin ay yung mga kasabwat dito ay makakalusot because of a legal technicality… Titiyakin namin na kapag kami ay nagsampa ng kaso, yang kaso na yan ay matibay hanggang dulo…. at kung huhusgahan sila ng korte ay makukulong sila,” kabahin sang pahayag ni Marcos.

Matandaan nga may na-file naman nga reklamo ang Department of Public Works and Highways kag ang National Bureau of Investigation batok sa pila ka former DPWH officials kag contractors sa Office of the Ombudsman kag sa Department of Justice.#