Ginklaro ni former Presidential spokesperson Harry Roque nga wala siya gindakop sa Netherlands — baliskad sa kun ano man ang nagalagaw nga mga impormasyon subong.
Pahayag sini, nag-book ang awtoridad sa Netherlands sang flight para sa iya agud nga makabyahe siya sa Vienna, Austria. Suno kay Roque, ginhambalan siya nga naka-depende na sa gobyerno sang Austria ang paghatag sa iya sang proteksyon.
“Kasi sa Europa, ‘pag kayo’y nag-apply ng asylum ay mayroong tinatawag na Dublin rules… ‘Yung bansa na nag-issue ng visa ay siya dapat (ang) magbigay ng proteksyon sa inyo. Now sa kaso ko po kasi, ang nag-issue ng visa ay Austria,” pahayag sang former Palace official.
Apang dugang niya, ginpapanaog siya sa eroplano kag wala nadayon ang byahe bangud nga base sa iya mga doktor, indi siya fit nga mag-travel.
Ginpaathag sini nga nagpaidalom siya sa duha ka operasyon antes siya ginsilingan nga itugyan ang iya protection request sa Austria nga amo ang naghatag sa iya sang visa.
“Nung a-trenta ako po’y nagkaroon ng major surgery at kahapon, nagkaroon ako ng minor day surgery. ‘Yung pareho kong doktor ay nag-issue ng certificate that I am unfit to fly. Ngayon ang problema, ‘yung immigration naman ng Netherlands ay mayroon ding silang doktor na nag-issue ng ‘fit to fly,'” pahayag sini.
“Nung tinanong ako, ‘Gusto mo bang lumipad?’ ‘Syempre hindi. Mayroon akong dalawang medical certificate na unfit to fly.’ Kaya lang akala ko wala akong choice. So nung tinanong ako, ‘Syempre hindi.’ Pinababa ako kaagad. So wala pong arestuhan.”
Sa Netherlands nag-apply sang asylum si Roque, apang wala na niya ginkontra ang ginhambal sa iya sang gobyerno sang amo nga pungsod bangud kumpyansa siya suno sa iya nga pwede ang iya asylum request sa bisan diin nga bahin sang Europa.
Nahibaluan nga kanselado na ang pasaporte ni Roque kasunod sang iya kaso nga qualified human trafficking nga kaangot sa Philippine Offshore Gaming Operation (POGO).
Gindeklarar man sang Pasig Regional Trial Court nga pugante na si Roque bangud sa iya intensyon nga magpalagyo sa prosecution ukon penalidad bisan may ihibalo na ini kaangot sa mahimo ikaso sa iya.
Sandig sa Department of Justice (DOJ), indi makabyahe si Roque nga wala sang valid passport. Mahimo siya ma-detain sang immigration authorities sa bisan diin nga pungsod kun magbyahe siya nga wala sang husto nga travel documentation.#
