Ginpasakaan na sang sang anom ka bulan nga preventive suspension ni Ombudsman Jesus Crispin Remulla ang 10 ka opisyal sang Department of Public Works and Highways (DPWH) Region IV-B kag duha ka miyembro sang Bids and Awards Committee (BAC) nga konektado sa isyu sang flood control anomalies kag korapsyon nga nagakatabo sa pungsod.
Ang mga nadala sa suspension order ang mga anay opisyal sang DPWH Region IV-B nga tanan may warrant of arrest, ini amo sanday Gerald Pacanan, Gene Altea, Ruben Delos Santos Jr., Dominic Serrano, Felisardo Casuno, Timojen Sacar, Montrexis Tamayo, Juliet Calvo, Dennis Abagon, kag Lerma Cayco.
Ginhatagan man sang suspension sanday Grace Lopez kag Friedrich Karl Camero nga amo ang mga miyembro sang BAC nga amo ang ginpanganlan sa request para sa Immigration Lookout Bulletin Orders (ILBO) halin sa Independent Commission for Infrastructure (ICI) pakadto sa Department of Justice.
