Personal nga nagpadulong sa talatapan sang National Bureau of Investigation (NBI) ang kontratista nga si Sarah Discaya subong nga adlaw.
Ang iya pag-abot ang kasunod sang pahayag ni President Ferdinand Marcos Jr. nga ipaaresto siya sa oras nga magguwa ang warrant halin sa korte.
Ginapangatubang ni Discaya ang kaso nga malversation kag graft nga gin-file sang Office of the Ombudsman angot sa maanomaliya nga flood control projects sa Davao Occidental.
Ang proyekto nga nagabalor sang P96.5 million ang gindeklarar nga natapos na sang 2022 apang natukiban nga wala pa sa ginpatigayon nga imbestigasyon sang CIDG.
Konektado si Discaya sa mga kompaniya nga nakakuha sang dalagkuan nga bahin sang flood control contracts, lakip ang Alpha & Omega General Contractor & Development Corporation.
Lakip man sa kaso ang pila ka mga opisyal sang Department of Public Works and Highways (DPWH) nga may kahilabtanan sa amo nga proyekto.
Suno kay Marcos, indi makapalagyo sa hustisya ang mga naulamid sa korapsyon kag ginalauman nga magguwa ang warrant subong nga semana.
Ang pag-atubang ni Discaya sa NBI ang Nakita nga importante nga tikang sa mas malapad nga imbestigasyon batok sa korapsyon sa mga proyekto nga pang-imprastruktura sang gobyerno.
