Ginbasol ni U.S. President Donald Trump si anay U.S. President Joseph R. Biden sa padayon nga pagtaas sang presyo sang balaklon sa Estados Unidos.
Ginhimo ni Trump ang pahayag matapos ang evening address sa White House sa diin ginpadayaw sini ang mga nahimo sang iya administrasyon, lakip ang pagbuhin sang illegal border crossings kag pagpanubo sang presyo sang pila ka produkto.
Gin-anunsyo man sini ang pagpanagtag sang warrior dividend” nga $1,776 para sa 1.45 million nga myembro sang US military kag ang pagsuporta sini sa ginaproponer nga bulig-pinansyal sa publiko para sa ila galastuhan sa ikaayong lawas.
Apisar nga gin-ako sang presidente sang Amerika nga nagapadayon nga mataas ang presyo sang balaklon, ginpanindugan ni Trump nga “poised” ang ekonomiya sa pagpataas sa masunod nga tuig.
Ini bangud sang iya pagsulondan sa buwis, taripa kag plano nga pagbag-o sang pamunuan sang US Federal Reserve.
Samtang, ginpakamalaot naman sang mga Democrat ang ginhimo nga speech ni Trump, sa diin ginsiling sang mga ini nga kulang sa konkreto nga solusyon sa problema sang affordability, ilabi sa samtang nagapahilapit ang midterm elections sa masunod nga tuig.
