Nagpaguwa sang bag-o nga set sang mga dokumento si Batangas Rep. Leandro Legarda Leviste nga ginapanag-iyahan sang nagtaliwan nga si anay Undersecretary sang Department of Public Works and Highways (DPWH) nga si Maria Catalina Cabral.
Ginalauman nga ang ini nga mga dokumento ang naga-contain sang alokasyon sa kada distrito, probinsya kag rehiyon humalin sang tuig 2023 tubtob 2026.
Ginpahayag ni Leviste sa isa ka post sini sa iya facebook page ang kabug-usan nga alokasyon para sa mga proyekto sang DPWH sa bilog nga pungsod nga naglab-ot sang indi magsobra ukon magkulang sa P3.5 trillion pesos.
Base sa datos humalin 2023 tubtob 2026, kabahin sa bersyon sang Kamara ang ginaproponer nga national budget para sa tuig 2026 kun sa diin ang Central Luzon ang nakabaton sang pinakadako nga alokasyon sa mga rehiyon nga may budget nga P406.9 billion.
Ginsundan naman ini sang Region IV-A ukon ang CALABARZON nga may budget nga P341.8 billion kag ang Bcol Region nga may ara sang 272. 3 billion pesos.
Ginpunto man ni Leviste ang mga numero sang iya nga ginpaguwa nga naga-angot sa House General Appropriations Bill (HGAB) gani nga pede pa ini magbag-o depende sa bersyon sang senado kag sa mangin pinal sini nga resulta sa bicameral conference committee.
Ginpaguwa man ni Leviste ang mga datos sang mga distrito nga may pinakadako nga alokasyon sa tagsa ka mga rehiyon sa NCR.
Nanguna diri ang 1st District sang Taguig City nga may P18.43 bilyon, ginsundan naman ini sang 4th District ng Quezon City (P14.17 bilyon) kag 1st District sang Valenzuela City (P9.707 bilyon).
Nahibaluan nga sang Mierkules, ginpaguwa man ni Leviste ang kabahin sang mga dokumento nga ginhatag sa iya ni Cabral sang Setyembre nga may kaangtanan sa alokasyon sa kada distrito para sa mga infrastructure project sa tuig 2025.
