Nagpagwa ang Department of Trade and Industry (DTI) sang listahan sang mga palupok nga nakapasar sa ila quality test bag-o ang paghiwat sang Bag-ong tuig.
Nabutang sa listahan ang mga manufacturers kag brands nga nagcomply sa quality standards.
Nalakip diri ang Diamond Fireworks Inc., Dragon Fireworks Incorporated, Dreamlight Fireworks Manufacturing, F.R.T Fireworks, JPL Manufacturing Fireworks, Legendary Fireworks Inc., kag iban pa.
Nagpahanumdum ini nga magbakal lamang sang sertipikado nga palupok halin sa mga lisensyado nga mga manughimo.
Ang mga sertipikado nga palupok kinahanglan may Philippine Standard Quality Mark sang DTI–Bureau of Philippine Standards (BPS).
May ginhatag man ang ahensya nga link sa ila social media sang mga listahan nga gin-aprobahan nga mga manughimo.
Nagpahanumdum man ini nga basahon sing maathag kag sundon ang mga instrtuction kon magsindi sang palupok.
Suno pa sa DTI nga kinahanglan man maghanda sang isa ka timba sang tubig ukon bisan ano nga ginhalinan sang tubig, upod ang first aid kit para sa mga emerhensiya.
