Napagwa sang pahayag ang Office of the Ombudsman nga wala ginpakita ni Batangas 1st District Rep. Leandro Leviste ang kabug-usan nga dokumneto halin sa nagtaliwan nga anay opisyal sang Department of Public Works and Highways nga si Undersecretary Catalina Cabral.
Una na ginpahayag sini nga maya ara sang ginakaptan nga listahan ini sang mga proponents sa maanomaliya nga mga proyekto nga nakuha sini sa napatay nga opisyal.
Suno kay Assistant Ombudsman Atty. Mico Clavano,ginpalapitan sang mga imbestigador sang Office of the Ombudsman ang tiglikom kasunod sang gintuad sini sa publiko may ara ini sang kopya nga ginauyatan.
Suno pa sa iya nga natabo ini samtang buhi pa si former Public Works Usec. Catalina Cabral sang ginrepresenta ini sang iya legal counsel.
Apang, ginbunyag ni Assistant Ombudsman Clavano nga ‘limited portions’ ukon parte lamang sa listahan ukon dokumento ang ginpresenta sang kongresista.
Kabaliskaran sa pahayag ni Congressman Leviste nga nagapahayg nga ginpakita ang kabug-usan nga ‘Cabral Files’ sa Office of the Ombudsman.
