Ginpasangkad sang Bureau of Jail Management and Penology (BJMP), ang seguridad sang kontrobersyal nga contractor nga si Sara Discaya, para sa nakatalana sini nga hearing sa Lunes.
Suno kay Jail Chief Inspector Ivy Christine Manigos, warden sang female dormitory sa Lapu-Lapu City Jail, ipinatuman na ang angay nga seguridad para sa kaluwasan ni Discaya kag sa iya mahilway nga pagbiyahe padulong sa korte, pananglitan nga magsugot ini nga magtambong sa korte sang personal.
Nagdugang naman ang BJMP Regional Office 7 sang Special Tactics and Response Team kag nakigkoordinar sa Philippine National Police para sa dugang nga suporta sa posibilidad sang transportasyon ni Discaya.
Sa matandaan, kaupod si Discaya sa walo ka empleyado sang Department of Public works and Highways (DPWH) nga naka-detain sa Cebu sa karun, bangud sa pagkaulamit sini sa ginapahayag “ghost project” sa Davao Occidental.
, ang seguridad sang kontrobersyal nga contractor nga si Sara Discaya, para sa nakatalana sini nga hearing sa Lunes.){kind=link}