Gin-anunsyo sang head sang basketball operations sa National Basketball Association (NBA) nga ginmultahan sang $35,000 ukon masobra P2.08-million ang Boston Celtics guard nga si Jaylen Brown.
Ini kasunod sang mga komento ni Brown sa social media nga naga-reklamo batok sa pag-officiate sa hampang sang Celtics batok sa San Antonio Spurs. Nalutos sanday Brown, 100-95.
Nagreklamo ang 2024 NBA Champion kag Finals MVP bangud 20 ka free throws ang ginhatag sa Spurs samtang apat lamang sa Celtics. May 18 man ka personal fouls ang Boston, samtang 13 naman ang iya sang Spurs.
“I’ll accept the fine at this point,” kabahin sang nangin rant sang Celtics Star. “I think they’re a good defensive team, but they ain’t that damn good. I hope somebody can just pull up the clips, because it’s the same (expletive) every time we play a good team. It’s like they refuse to make a call then call touch fouls on the other end.”
Nahibaluan nga ini nga four-time All Star ang may matunog man nga pangalan bilang NBA MVP candidate subong nga tuig bangud sa iya pag-level-up para sa Celtics ilabi na bangud injured ang teammate sini nga si Jayson Tatum.
Sa hampang batok sa Spurs, naka-skor si Brown sang 27 puntos sa iya 43 minutos sa court, apang naka-skor naman ang San Antonio phenom nga si Victor Wembanyama sang 16 sang iya 21 points sa second half agud mabuligan ang Spurs nga magdaog.#
