Posible nga sa Davao nagapanago si Senator Ronald “Bato” dela Rosa, suno kay DILG Secretary Jonvic Remulla.
Sa tunga ini sang indi gihapon pagpakita sa publiko ni Dela Rosa kag pag-absent sa mga sesyon sa Senado kasunod ng mga report nga may arrest warrant batok sa iya gikan sa International Criminal Court (ICC).
Apang ginsiling ni Remulla nga indi pa makahimo sang tikang ang DILG bangud wala pa ini sang nabaton nga pormal nga kopya sang arrest order.
Ginsiling man ni Remulla nga wala man nakapauli ang Senador sa iya nga balay sa Cavite kun sa diin magkaingod-balay lang sila.
Nauna naman nga nanindugan ang abogado ni Dela Rosa nga si Atty. Israelito Torreon nga wala sang legal nga basehan ang gobyerno para isungka ang sin-o man nga pumuluyo sini sa ICC bangud wala sang rules para mapatuman ang proseso bangud nga nagsipak na ang pungsod gikan sa Rome Statute sang panahon sadto sang administrasyon ni Duterte.
