Nagkit-anay liwat sanday self-proclaimed “Appointed Son of God” Apollo Quiboloy kag former Philippine National Police (PNP) chief Nicolas Torre III.
Ini ang una nga tion nga nag-atubangay sila halin sang ginpangunahan ni Torre ang pagdakop kay Quiboloy sadtong 2024.
Nagtabuay liwat ang ila banas sa Pasig Regional Trial Court (RTC) samtang nagapadayon ang hearing sa kaso sang televangelist nga qualified human trafficking.
Nagtambong si Torre bilang ikatatlo nga witness sang prosecution sa trial. Nagsentro ang presentasyon sang prosecution sa kumpirmasyon nga gin-aresto si Quiboloy kag wala ini boluntaryo nga nagsungka.
Ginalauman nga magakit-anay pa gid sila liwat sa korte subong nga Byernes agud padayunon ang cross-examination kay Torre.
Matandaan nga Septyembre 2024 sang nadakpan si Quiboloy sa compound sang Kingdom of Jesus Christ sa Davao City matapos ang 16 ka adlaw nga operasyon sang kapulisan. Nanguna si Torre sa amo nga “Operation Plan Teknon Alpha”, bangud sang amo nga tion, siya ang director sang Police Regional Office XI.
4,500 ka tropa sang kapulisan ang involved sa amo nga operasyon.
Kasunod sadto, gin-promote si Torre bilang director sang Criminal Investigation and Detection Group. Nagpungko man siya bilang Philippine National Police (PNP) chief, apang gin-relieve, kag subong siya ang nagaserbe bilang Metropolitan Manila Development Authority (MMDA) General Manager.#
 chief Nicolas Torre III.){kind=link}