Patay ang isa ka babaye nga lapsag matapos nabuy-an sang iloy kag nahulog kasunod sang pagtakilid sang ginasakyan nila nga tricycle sa Hacienda Balandra 2, Barangay Daga, Cadiz City, Negros Occidental.
Ginpahayag nga nadulaan sang kontrol sa tricycle ang driver matapos maigo sang tapaludo ang pangunahan nga rueda.
Nakabunggo ang tricycle kag nagtabog ang lapsag gikan sa butkon sang iloy.
Wala naman nagpasaka sang kaso ang iloy sang bata batok sa tricyle driver matapos nag-areglohanay.
