Ginbasura sang International Criminal Court (ICC) ang request ni former President Rodrigo Duterte nga i- disqualify ang external legal representatives sang mga biktima sa drug war.
Suno sa ICC Pre-Trial Chamber I, napaslawan ang defense team nga makapakita kun ano ang ila ginasiling nga “impediment to representation” ukon “conflict of interest.”
Pahayag pa sang Chamber, ang alegasyon sang kampo ni Duterte ang lunsay “speculative and hypothetical” kag wala sang nalab-ot sa Code of Professional Conduct nga nagakinahanglan sa pagkakas sa mga abogado.
Matandaan nga gin-appoint sang ICC ang duha ka abogado nga sanday Atty. Joel Butuyan kag Atty. Gilbert Andres bilang common legal representatives. Si Andres ang tumandok sang Iloilo. Gintugtan man sang ICC ang Office of Public Counsel for Victims nga maghatag sang isa pa ka counsel, rason nga naka-upod si Nicolene Arcaina bilang case manager.
Sang Pebrero 11, nag-request ang defense team nga i-disqualify ang amo nga mga abogado kag i-revoke ang appointment nanday Andres kag Butuyan kag i-suspend ang ila access sa case record.
Antes sini nga desisyon sang ICC sa common legal representatives, ginkumpirma man kaina sang hapon nga gin-aprubahan sang korte ang request ni Duterte nga indi ini magtambong sa confirmation of charges hearing.
