16 ka mga abogado ang nag-file sang ‘Appearance ad Cuatelam’ agud depensahan si Vice President Sara Duterte sa impeachment proceedings sa House Committee on Justice.
Ini ginalakipan nanday Philip Sigfrid Fortun, David Ronell Golla VII, Lindon Miguel Bacquel,Gregorio Narvasa II, Sheila Sison, Carlo Joaquin Narvasa, Justin Nicol Gular, Miguel Carlos Fernandez, Karol Grace Oroceo, Clarlaine Radoc, kag Francesca Marie Flores.
Ang mga ini ang lunsay halin sa Fortun Narvasa & Salaza law firm.
Yara man sanday Michael Wesley Poa, Reynold Munsayac, Mark Vinluan, Ralph Bodota kag Roberto Batungbacal.
Kasunod sini, nagpahayag sang pagkadismaya si Bicol Saro party-list Rep. Terry Ridon bangud duha sa nasambit nga mga abogado nga sanday Poa kag Munsayac ang may conflict of interest bangud nalakip sila sa posible testigo sa paggasto sang confidential funds sang bise presidente.
Si Poa ang anay tagpamaba ni VP Sara sang tiglikom ini sang DepEd.
Si Munsayac naman ang spokesperson sang Office of the Vice President (OVP) kag former assistant secretary sa DepEd.
