Nasamaran ang isa ka overseas Filipino worker (OFW) kasunod sang missile attack sa Arad, Israel sang tinalikdan nga Marso 21.
Suno sa Philippine Embassy sa Israel, gilayon nga gindala ang 30-anyos nga biktima sa Soroka Medical Center agud nga hatagan sang nagakaigu nga pagbulong.
Padayun man nga naga-monitor ang embahada sa nasambit nga pungsod agud nga mahatagan sang bulig ang iban pa nga mga apektado nga mga Pilipino sa nagapadayun nga tension sa Middle East.
Matandaan nga wala na-intercept sang air defense sang Israel ang duha ka ballistic missiles sang weekend rason nga may mga nasamaran. Isa sa missile strikes sang Iran ang nag-igo sa isa ka multi-story apartment block sa syudad sang Arad.
Kabahin ini sang balos sang Iran matapos nga gin-atake sila sang US kag Israel sang Pebrero 28 nga amo ang nagpatay kay anay Supreme Leader Ayatollah Ali Khamenei kag iban pa nga senior officials.
 kasunod sang missile attack sa Arad, Israel sang tinalikdan nga Marso 21.){kind=link}