Nagpanawagan si Senator Imee Marcos sa pila ka mga ahensya sang gobyerno nga temporaryo nga i-suspinde ang pagpanukot sang contributions kag loan payments kasunod sang deklarasyon sang presidente nga may yara sang state of national energy emergency.
Gin-address sini ang panawagan sa Social Security System (SSS), Government Service Insurance System (GSIS), Pag-IBIG Fund, kag sa Philippine Health Insurance Corporation (PhilHealth).
Suno kay Marcos, daku nga palas-anon para sa mga Pilipino ang pagsaka sa presyo sang gasolina kag krudo, gani nga mas maayo nga hatagan sila sang bisan isa lang ka bulan nga pahuway sa sini nga mga sulukton.
“The crisis in gasoline and crude oil adds to the daily burden of every Filipino, especially our workers. It is only right that we give them at least a month or more of relief in paying their obligations,” suno sa senadora.
“Let us suspend salary deductions for now and release their wages in full, so they may somehow keep pace with the galloping rise in the cost of living,” dugang sini.
Suno pa sa senadora, napamatud-an na nga epektibo ang amo nga tikang sang nag-agi anay ang COVID-19 pandemic kag ang iban pa nga kalamidad.
‘Wag muna nating kaltasan ang kanilang sahod. Ibigay muna ito nang buo upang kahit paano ay makasabay sila sa walang tigil na pagtaas ng presyo ng bilihin,” pahayag pa sini.
Matandaan nga sang Martes sang gindeklarar ni President Ferdinand “Bongbong” Marcos, Jr. ang state of national energy emergency. Ginmandu man ang adoption sang Unified Package for Livelihoods, Industry, Food, and Transport (UPLIFT) para sa mga apektado nga mga sector.
Ini nga tikang ang kasunod sang nagatimbuok nga presyo sang gatong kag mga balaklon nga resulta na sang gyera sa tunga sang US, Israel, kag Iran nga nag-umpisa sang Pebrero 28.#
