Gin-aresto sang otoridad sang Thailand ang isa ka Pinay nga manunudlo matapos nagbilin ini sang patay nga lapsag sa isa ka mall.
Nadakpan ini sa isa ka bus station pila ka oras matapos nagbiya sa mall ang nasambit nga maestra.
Suno kay Don Pancog, labor attaché sang Pilipinas sa Thailand, nadiskubrehan sang isa ka concerned citizen ang lapsag kag ginpahibalo sa otoridad.
Sang gin-check ang CCTV footage, didto nakit-an ang Pinay.
Suno naman sa Thai police, napilitan nga magbun-ag ang nasambit nga Pinay teacher sa sulod sang cr apang padayon pa ini nga ginaimbestigahan.
Base sa impormasyon, pito ka bulan nga nagabusong ang amo nga babaye nga tumandok sang Mindanao.
