Personal nga pagapas-anon ni Pope Leo XIV ang krus sa 14 ka estasyon sang Way of the Cross sa Colosseum, Rome, Italy sa adlaw sang Byernes Santo sa nasambit nga lugar.
Ini ang labing una nga kahigayunan matapos ang pila ka dekada nga nagligad nga pagahimuon ini sang Santo Papa.
Suno sa Santo Papa, isa ini ka tikang nga nagasimbolo sang pag-upod sang mga tawo sa kasakit nga gin-agyan ni Hesus.
Nahibaluan nga sang una, ginhimo man ini ni Pope John Paul II sa bilog nga prusisyon sang siya pa ang Santo Papa tubtob 1995.
Sa edad nga 70, nagapabilin sa gihapon nga mayo ang ikaayong lawas sang Santo Papa, rason nga mahimo pa sini ang nasambit nga buluhaton.
Ginalauman naman nga madamo sang tawo ang magakadto sa Colosseum.
Pagapangunahan man sang Santo Papa ang Easter Vigil kag Misa sang Domingo sang Pagkabuhi, amo man ang traditional nga “Urbi et Orbi” nga pagbasbas.
