Ginakalipay gid sang bilog nga West Visayas State University ang panibag-o nga achievement sang College of Medicine sa 2026 Physicians Licensure Examination.
Nalakip sa top 10 ang WVSU alumna nga si Marie Francine Rios Aquines nga yara sa ikawalo nga pwesto.
Nalab-ot man sang unibersidad ang 100% nga passing percentage sa pasinawan.
Sa interview sang Bombo Radyo kay Dr. Joselito Villaruz, presidente sang unibersidad, iya ginpahayag nga pamatuod ini sang kalidad sang mga estudyante, manunudlo, kag edukasyon may yara ang WVSU.
Suno kay Villaruz, isa man ka dako nga bentaha nga manami ang learning environment kag bastante nga resources sa pagtuon sang mga estudyante.
Isa man sa ginapasalamatan ni Villaruz amo ang presensya sang West Visayas State University Medical Center nga nagahatag gid sa mga estudyante sang College of Medicine sang hands-on experience sa ila ginpili nga patag.
