Indi magnubo sa walo ka tinawo sang State Security sang Lebanon ang napatay matapos ang serye sang airstrikes sang Israel sa southern city sang Nabatiyeh sa Lebanon.
Suno sa report sang state-run National News Agency, nagpatigayon sang mabaskog nga pag-atake sa syudad, lakip na ang isa ka strike malapit sa government building nga nakaigo sa opisina sang Lebanese State Security.
Wala pa sang opisyal nga pahayag ang Israel may kaangtanan sa sini nga airstrikes.
Samtang, nagapadayon ang krisis sa Middle East matapos ginapilit sang Iran nga kinahanglan ipagwa anay ang ila mga nakumpiskar nga pondo kag magpatuman sang ceasefire sa Lebanon antes magpadayon ang bisan ano nga peace talks.
Suno kay Iran Parliament Speaker Mohammad Baqer Qalibaf, indi magsugod ang negosasyon kon indi matuman ang mga kondisyon nga nauna na nga nakasugtan sa Estados Unidos.
Sa pihak nga bahin, ginpabugal ni U.S. President Donald Trump nga epektibo ang iya ultimatum sa Iran, kag antes sang deadline nagka-eksistir ang duha ka semana nga ceasefire sa nagligad nga anom ka semana nga giyera.
