Nagdangat sa 19 ka mga ginaalegar katapo sang New People’s Army (NPA) ang napatay sa engkwentro batok sa tropa sang gobyerno sa Barangay Salamanca, Toboso, Negros Occidental.
Suno sa awtoridad, ang engkwentro ang kabahin sang padayon nga security operations sang Philippine Army nga nagatuyo nga ipabilin ang kalinong sa komunidad.
Sa inisyal nga reports, nag-umpisa ang encounter kahapon sang aga tubtub sang hapon. Ang 79th Infantry Battalion sang Philippine Army amo ang naka-atubang sang mga ginapahayag nga rebelde.
Suno sa opisyal sang Philippine Army nga may ihibalo angot sa engkwentro kag suno sa report sang Bombo Radyo Bacolod, nalakip sa mga napatay si Arnel Tapang nga amo ang most wanted NPA member nga may P1 million nga patong sa ulo.
Nahulog sa fishpond ang mga napatay gani madugay-dugayan ang pagpasaka sang ila lawas.
Sa subong, may siyam na ka armas nga naretrieve sa encounter site.
Nahibaluan nga ginatos ka mga residente ang nag-evacuate sa eskwelahan kasunod sang amo nga engkwentro.
