Naglab-ot na sa P98 million ang nahatag na nga fuel subsidy sa mga kwalipikado nga taxi operators kag drivers sa bilog nga pungsod base sa Land Transportation Franchising and Regulatory Board (LTFRB).
Suno kay LTFRB Chairperson Vigor Mendoza II, natigayon na nga mahatag ang nasambit nga subsidya sa Quezon City, Davao Region, Central Visayas, kag Western Visayas.
Ginklaro naman ni Mendoza nga wala matapos ang tagtaganay kag ginapreparar naman ang igahatag pa nga assistance sa pila ka bahin sang pungsod kasunod sang mandato ni President Ferdinand Marcos Jr.
Padayun man nga naga-monitor ang ahensya agud nga maghatag gilayon sang tikang sa tion nga magluntad ang pila ka mga problema samtang ginahatag ang subsidiya.
Dugang pa sang tiglikom, bukas gid ang hotline kag social media accounts sang ahensya sa mga palamangkutanon nahanungod sa fuel subsidy distribution.
){kind=link}