Ginakabig ni Rep. Leila de Lima nga makaduluda ang indi pagdeklarar ni VP Sara Duterte sang cash ukon bank deposits sa iya Statement of Assets, Liabilities, and Net Worth sang 2019 tubtob 2024.
Pahayag ni de Lima, makatilingala nga antes ang 2019, may yara man sang amo nga items sa SALN ni Duterte.
Suno kay de Lima, dapat gid ini nga usisaon sang maayo.
Ang amo nga mga dokumento ang ginpresentar sang tiglawas sang Office of the Ombudsman sa pagpadayon sang impeachment hearings kontra sa bise presidente.
