Nanindugan ang Malacañang sa nangin pahayag ni President Ferdinand Marcos Jr., nahanungod sa pagkustodiya sang Prague authorities kay anay Ako Bicol Partylist Rep. Zaldy Co sang nagligad nga Abril 16.
Suno kay Palace Press Officer Undersecretary Atty. Claire Castro, iba ang gin-gamit nga termino sang Czech Republic nga nangin rason nga daw kaangay nga arestado ang nangin paghangup sang mga awtoridad.
Ginpakigbahin man niya nga indi direkta nga naghalin sa Presidente ang arestado nga termino.
Ginsiling man sini nga ang “nadakpan” nga tinaga ang wala gilayon nga nagapahayag nga arestado ang isa ka indibdiwal.
Dugang pa ni Castro, bangud sa natabo, kumpirmado nga mangin limitado na ang mangin hulag sang anay kongresista nga si Zaldy Co.
