Gintawag ni Vice President Sara Duterte nga ”himo-himo” lamang ang impeachment case nga ginpasaka batok sa iya sang House of Representatives.
Suno kay Duterte sa pihak sang nagakatabo, nagapasalamat ini sa gihapon sa iya mga taga-suporta nga sa pag-anunsyo sini nga mapadalagan ini sa pagka Presidente sa tuig 2028, madamo sa gihapon ang nagapati kag nagasuporta sa iya.
Ginpasalamatan man sini ang mga tawo nga padayon nga nagabulig sa iya paagi sa pagpa-untat sa impeachment proceedings paagi sa pag-rally kag demonstrasyon.
Ginpakigbahin man ni Duterte nga ila na gin-istoryahan sang iya amay nga si anay President Rodrigo Duterte ang ginapangatubang sini sa karon.
Suno pa sa iya nga nagapati ini nga ang tanan nga nagakatabo sa kabuhi sang tawo ang parte sang plano sang Diyos, kag kabahin ang pag-impeach sa iya ang matabo ukon indi man.
Nahibaluan nga yara sa karon si Vice President Sara Duterte sa The Hague, Netherlands nga nagabisita iya amay nga sa karon kag nagapangatubang sang crimes against humanity sa International Criminal Court
