Apisar wala nagpakita sa Senado halin sang Nobyembre 2025, wala nalipat si Senador Ronald “Bato” Dela Rosa nga magpadala sang audio message para sa event sang RAGE Coalition sa Cebu, Mayo 10.
Sa iya mensahe, nagpanawagan ang senador para sa pagbinuligay kag mabakod nga panindugan batok sa korapsyon kag pagpang-abuso lakip man ang mga tikang nga suno sa iya nagatinguha nga pahipuson ang oposisyon.
Ginpahayag man sini ang suporta sa pagpamuno ni Sebastian Duterte nga mayor sang Davao City kag amo man sa pagpadalagan ni Vice President Sara Duterte bilang presidente sa 2028.
Ini nga audio message ni Dela Rosa ang kasunod sang nagalapta nga impormasyon nga may yara sang arrest warrant batok sa iya halin sa International Criminal Court (ICC). Una naman nakasabat ang ICC nga wala sila sang gin-isyu nga public arrest warrant.
Base sa attendance sheet sang Senado, wala nakatambong si Dela Rosa sa sesyon halin sang Nobyembre 11, 2025.
Nakalab-ot na sa 31 ka plenary sessions ang iya wala natambungan halin Hulyo 28, 2025 tubtob Marso 18, 2026.
![Pinterest](https://pinterest.com/pin/create/button/?url=https://iloilo.bomboradyo.com/bato-nga-no-show-sa-senado-may-pa-audio-message-sa-event-sang-rage-coalition/&media=https://img.bomboradyo.com/iloilo/2026/05/bato-dela-rosa-1.webp&description=Wala nalipat si Senador Ronald "Bato" Dela Rosa nga magpadala sang audio message para sa event sang RAGE Coalition sa Cebu, Mayo 10.){kind=link}