Nag-umpisa na ang Philippine National Police (PNP) upod ang National Bureau of Investigation (NBI) sang nationwide manhunt batok kay Sen. Ronald “Bato” dela Rosa may kaangtanan sa warrant of arrest nga gin-isyu sang International Criminal Court (ICC).
Suno kay PNP chief Gen. Jose Melencio Nartatez Jr., gin-deploy na ang mga tracker team matapos nagmando na ang Department of Justice (DOJ) sa pagpatuman sang pag-aresto sa senador.
Suno kay Nartatez, ginmando sa mga pulis nga magpatuman sang maximum tolerance kag sundon ang husto nga proseso sa operasyon agud maprotektahan ang mga kinamatarong sang tanan nga involved.
Gindugang niya nga kon madakpan si Dela Rosa, gilayon ini nga ipadalom sa kustodiya sang DOJ.
Sa pihak nga bahin, wala anay ginpahayag sang DOJ kon dal-on gilayon si Dela Rosa sa The Hague, Netherlands, kun sa diin nahamtang ang detention facility sang ICC.
