Naglupok ang explosive payload nga drone sang Russia matapos mabunggo ini sa isa ka apartment building sa Romania.
Ang Romania isa ka miyembro sang mabakod nga military alliance nga North Atlantic Treaty Organization (NATO).
Suno sa Romanian General Inspectorate for Emergency Situations, nagresulta ini sang dako nga sunog sa building kag may pila ka mga personnel ang napilasan.
Base sa report sang emergency services, nakaangkon sang gamay nga pilas ang residente malapit sa lugar samtang naglab-ot sa 70 ka tawo naman ang naluwas.
Natabo ang insidente sa sidlangan nga bahin sa Galati nga malapit sa border sang Ukraine.
Gilayon naman ini nga gin-kondenar sang Foreign Ministry sang Romania kag gintawag nga wala sang konsiderasyon nga escalation halin sa Russia.
Bisan indi ini ang una nga tion nga may drone sang Russia nga nagtupa sa teritoryo sang isa ka NATO member, amo ini ang una nga kahigayunan nga may nasamaran nga sibilyan sa Romania.
Bangud sang insidente, nagpatawag gilayon sang emergency meeting ang Romanian politician nga si Nicușor Dan sa Supreme Council of National Defense.
