Nagpaandam ang United Nations nga posible magsugod sa sulod lang sang pila ka semana ang bag-o nga phase sang natural nga weather pattern sang El Niño nga mahimo pa magpa-init sang temperatura sa kalibutan.
Suno sa World Meteorological Organization (WMO), ginalantaw nga magalawig kag magabaskog pa ang El Niño sa nabilin nga parte sang 2026.
Gina-forecast man nga magadala ini sang mas mabaskog kag mas malala nga kondisyon sang panahon sa madamo nga parte sang kalibutan.
Pila sa mga forecast halin sa mga national weather agencies ang nagasiling nga posible ini mangin isa sa pinakamabaskog nga El Niño kag mahimo nga isa ka posible nga “super El Niño.”
Suno pa sa amo nga UN weather agency, may 80% nga tsansa nga magsugod ang amo nga phenomenon sa tunga sang mga bulan sang Hunyo tubtub sa Agosto. May yara man sang kapin 90% nga posibilidad nga magapadayon ini tubtob sa Nobyembre ukon mas malawig pa.
“Fuelled by unusually warm ocean waters in the tropical Pacific, El Niño conditions are developing and are set to influence global temperature and rainfall patterns,” suno sa weather and climate agency.
Nagpaandam naman si WMO Secretary-General Celeste Saulo nga ang ini nga hitabo mahimo magpalala sang mga pagmala sang duta, mabaskog nga mga pag-ulan, kag heat waves sa kalupaan kag sa kadagatan.
Mabudlay ihambal ang eksakto nga oras kag kusog sang El Niño, kag ginabantayan sang mga siyentista ang kondisyon sa isa ka importante nga rehiyon sa tunga sang Pacific para sa mga senyales sini.#
, ginalantaw nga magalawig kag magabaskog pa ang El Niño sa nabilin nga parte sang 2026.){kind=link}