Gintay-og sang magnitude 5.7 nga linog ang Balut Island sa Sarangani, Davao Occidental 10:52 subong nga gab-i, Hunyo 8.
Suno sa DOST-Philippine Institute of Volcanology and Seismology, aftershock ini sang magnitude 7.8 nga linog kaina sang aga nga nabatyagan sa madamo nga parte sang Mindanao.
Yari ang Earthquake Information No.1 halin sa ahensya:
Date and Time: 08 June 2026 – 10:52 PM
Magnitude = 5.7
Depth = 010 km
Location = 04.42°N, 124.89°E – 125 km S 28° W of Balut Island (Municipality Of Sarangani) (Davao Occidental)
Reported Intensities:
Instrumental Intensities:
Intensity IV – Kiamba, SARANGANI; T’boli, SOUTH COTABATO; CITY OF GENERAL SANTOS
Intensity III – Bagumbayan, SULTAN KUDARAT; Malapatan and Maitum, SARANGANI; Surallah, Santo Nino, and Tupi, SOUTH COTABATO
Intensity II – Banga and Tampakan, SOUTH COTABATO; Isulan, SULTAN KUDARAT
Intensity I – City of Davao, DAVAO DEL SUR
Sa pihak nga bahin, as of 8:00 p.m., nagsaka naman sa 35 ang nagkalamatay kasunod sang magnitude 7.8 nga linog nga nagtay-og sa Mindanao kaina sang aga.
Suno sa National Disaster Risk Reduction and Management Council (NDRRMC), 31 ang gin-report nga casualties sa SOCCSKSARGEN ukon sa South-Central Mindanao samtang apat naman sa Davao region.
Sa mga nagtaliwan sa SOCCSKSARGEN, 17 ang nagikan sa Sarangani, 12 sa General Santos City, kag duha sa South Cotabato. Magluwas sa mga napatay, may yara pa sang missing nga mga indibidwal kag 134 ang naisip nga may injuries.
Ginaabisuhan ang publiko nga magpabilin nga aligmat sa aftershocks kag possible tsunami threats.#
