Nagpanawagan si President Ferdinand ‘Bongbong’ Marcos, Jr. sa mga Pilipino nga ipabilin ang pagpalangga sa pungsod sa pihak sang mga pagpanghangkat.
Suno sa presidente sa iya mensahe sa komemorasyon sang 128th Philippine Independence subong nga adlaw, Hunyo 12, indi dapat makapoy ang mga Pinoy sa pagpalangga, pagpili, kag pagpakigbato para sa nasyon.
“Sa bawat Pilipino, ito ang aking panawagan: Huwag po tayong mapagod na mahalin, piliin, at ipaglaban ang Pilipinas. Palalimin natin ang ating kamalayan. Maging mapanuri sa katotohanan. Gamitin natin sa tama ang ating kakayahan, hindi sa masama,” suno kay Marcos.
Kinahanglan suno sa iya nga ginapili sang mga Pilipino ang ikaayo sang tanan labaw pa sangsa personal nga mga interes kag mga pagbinahin-bahin.
“Lumaban nang patas sa araw-araw. Huwag pagsamantalahan ang pinagpaguran ng iba. At piliin natin ang ikabubuti ng bayan laban sa interes ng iilan,” pahayag pa sini.
Suno kay Marcos sa event sa Rizal Park sa Manila, ang sakripisyo sang mga baganihan ang dapat nga maghatag sang inspirasyon sa mga tawo nga atubangon ang mga pagpanghangkat nga may pag-isa kag may katuyuan.
Pahayag pa sini, ang leksyon sang nagligad amo ang dapat nga mag-giya sa mga tawo sa pag-atubang sa mga problema kaangay sang kurapsyon, kapigaduhon, dibisyon, climate change, kag iban pa.
“Ang ating kasaysayan ay nagturo sa atin na sa pagkakaisa lamang makakamit ang kasarinlan, na ang tunay na pinuno ay nagsasakripisyo ng sariling interes para sa ikakabuti ng bayan, na ang kalayaan ay dapat na inaalagaan,” pahayag pa sang punong ehekutibo.#
